ابيات متواضعه
ان قلت لي مشتاق جاوبـت مشتـاق
وان قلت ويلي قلت لك وش حصل لي
ليت الزمن ياقف على لحظـه عنـاق
حتى يطيب الجـرح ويطيـب غلـي
واعلمـك وشلـون تعبيـر الاشـواق
ياللي مكانـك فـي حشـاي متعلـي
الويل لو انه سكـن وسـط الاعمـاق
بعـدك وشوقـي والغـلا والتغـلـي
والدمعه اللي وقفت وسـط الاحـداق
تأبـا الكرامـه لاتفـيـض وتهـلـي
والخاطر اللي لـه زمانيـن مـاراق
يرجيـك ياعـذب الاحاسيـس ياللـي
ملكـت روحٍ فيـك تسكـن وتنسـاق
علمتهـا ياشـوق قلـبـي وخـلـي
ان الحيـاه ابهـا مشاعـر وعشـاق
واللي سـواك مـن الحبايـب يولـي
زدني تغلـي يابعـد كـل الاشـواق
يزداد لك شوقـي ثـم اجيـك كلـي
