السلام عليكم ورحمة الله وبركاته
دون مقدمات أقدمها لكم
من يقول اني رخصتك لاوربي الي براك ***ماارخصك والقلب لجلك كل غالي ازعله
كل ما مرت سنيني.. .زاد في قلبي هواك***قلبي من مجرى غرامك عذب حبك ينهله
انت وحدك في خفوقي ماشمل حدٍ سواك***انتقاك القلب منهم ....وحب غيرك اهمله
لو يطول الوقت قلبي ماقطع لحظه رجاك ***من كرم قلبك تمنى... لو بعطفك تشمله
صدق غايب عن عيوني لكن الخافق يراك**في جدار القلب رسمك طول عمره يحمله
لا تقول القلب ناسي والله مالحظه نساك ***كيف ينسى وانت حلمه.. للسنين المقبله
مانكر حبك خفوقي لا ..و لا لحظه جفاك***ما اظنك يا حبيبي .......قدر حبك تجهله
في صحاري الشوق قلبي ذاب متعطش لماك*كل ماطفيت جمري... مر طيفك واشعله
غيركم ماشي غالي كل شي غالي فداك****فدوتك قلب(ن) يحبك ..عنك لحظه مادله
ياشفى القلب العليل قلبي ابصمته دعاك ***فيك عشت العمر كله وشفت حلمي باكمله
قبل حبك ماحييت وعشت في لحظة لقاك***شفت انا العالم بعينك ...زاهي وما اجمله
فيه غصن الشوق مثمر والحلا ذاب بحلاك**عالم(ن )ايدور حولك ..وانت كلك مجمله
